Project Description

Zer da? Kolore Gunea Auzotik Auzora Amara Berri auzoko komunitate-bizitza indartzea helburu duen gizarte-berrikuntzako ekimena da. Proiektu honek topaguneak sortzen ditu, gazte migratzaileek eta auzokideek elkar ezagutu dezaten, esperientziak partekatu ditzaten eta estigmak zein muga sozialak hautsiko dituzten konfiantza-loturak eraiki ditzaten.

Ekimen hau Kolore Guztiak, Apitropik eta APTESen arteko lankidetzari esker gauzatu da, Kutxa Fundazioaren babesarekin.

Zer egin dugu? Bederatzi topaketaz eta askari irekiz osatutako partaidetza-prozesu baten bidez, dinamika sortzaileak eta kodiseinukoak garatu ditugu. Emaitza nagusien artean honako hauek daude:

• Auzo-panela (Fisikoa eta Digitala): “Bilatzen dut/Eskaintzen dut” tresna bat, auzokideen arteko elkarrizketa eta laguntza errazteko.

• Konexio-tresnak: Izotza hausteko elkarrizketa-txartelak eta mikropoesiaz osatutako liburu kolektibo bat.

• Espazioaren birdiseinua: Lankidetza-maketak, Kolore Guztiak lokala auzoari irekitako topagune atseginagoa bihurtzeko.

 

Eragina: Proiektuari esker, lehen kalean soilik topo egiten zuten pertsonek orain elkar agurtzen dute eta elkarrizketak izaten dituzte. Auzoko kide izatearen sentimendua indartu du eta gazteak komunitatearen aldaketarako eragile positibo gisa ikusarazi ditu.