Project Description

Eusko Jaurlaritzako Berdintasun, Justizia eta Gizarte Politiketako Sailak, Ekonomiaren Garapen Sailarekin lankidetzan, iGizarte proiektua jarri du abian, METAPOSTAren bitartez. Proiektu horrek gizarte-bazterkeria jasateko arriskuan dauden pertsonen “dokumentu-urrakortasuna” jorratzen du, eta METAPOSTAren bidez konponbide bat eskaintzen du, dokumentu garrantzitsuak segurtasunez biltegiratzeko.

APTESek gidatuta, Bizitegi, IRSE Araba eta Kolore Guztiaakekin batera, eta APITROPIKen laguntza teknikoarekin, gizarteratzea hobetzea eta dokumentazio pertsonala behar bezala kudeatzea eta zaintzea eragozten duten oztopoak gainditzea du helburu.

Proposamenak gizarte-bazterkeriako arriskuan edo egoeran dauden pertsonek funtsezko dokumentazioa lortzeko eta gordetzeko dituzten oztopoen azterketa xehatua du abiapuntu, eta bi une kritiko identifikatzen ditu: dokumentuak lortzea eta zaintzea. Dokumentuen urrakortasunak eguneroko administrazio-kudeaketa zailtzeaz gain, eragin negatiboa du gizarteratze-prozesuan. METAPOSTAk konponbide praktikoa eskaintzen du, eta ez estigmatizatzailea, biltegiratze digital segurua eta eskuragarria ahalbidetuz.

i-Gizarte pertsonak ardatz dituen gizarte-berrikuntzako ikuspegi eta metodologietan oinarritzen da, haiekin eta haientzat konponbideak garatuz, bai eta esku-hartze sozialeko zuzeneko arretako profesionalekin ere (Hirugarren Sektore Soziala, zerbitzu publikoak eta pribatuak).

i-Gizartek datozen asteetan lan egingo du aipatutako hiru erakundeetan pilotaje batekin, erabilgarritasunean aurrera egiteko elementuak gehituz, pertsonei lagunduz beren dokumentuak antolatzeko espazio gisa erabiltzen, baliozko funtzionaltasunak sartzea baloratuz eta Euskadiko Hirugarren Sektore Sozialean elkarrizketa bat sortuz haien erabilera bultzatzeko aukerari buruz beren esku-hartzearekin laguntzen dieten pertsonen artean.